Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

“Xixón en femenín” abre un ciclu de visites guiaes solidaries pa 2019

Votos

(Total de votos recibidos 215)

(Puntuación 2,92)

visita guiada cimavilla
A lo llargo de 2019, Xixón Turismu entamará un ciclu de visites solidaries. La so recaudación va donase a aiciones de responsabilidá social. El ciclu ábrese esti mes de marzu cola visita “Xixón en femenín”, en collaboración con Casa Malva. Domingos 10, 17, 24 y 31 de marzu a les 12:00h.
40 visites al añu, un tema cada mes. Son les visites guiaes solidaries que va entamar Xixón Turismu, al traviés d’Infoxixón, a lo llargo de 2019 y que van tener una temática estremada cada mes. Tolo recaudao nes visites va donase a delles aiciones de responsabilidá social. El ciclu enmárcase nel plan d’aiciones p’algamar el sellu Biosphere Empreses pa Infoxixón.

El ciclu ábrese esti mes de marzu, coincidiendo col 8-M, cola visita “Xixón en femenín”. Afálase a los/es visitantes a descubrir el papel social, cultural y económico relevante que les xixoneses tuvieron y tienen na nuesa ciudá. El preciu de la visita, y que se caltién el restu l’añu, va ser de 5€. Tolo recaudao nesta ocasión va donase al Centru d’Atención Integral de Muyeres Víctimes de la Violencia de Xéneru “Casa Malva”, al traviés de la Cruz Roja.

Percorríu y conteníu: Campu Valdés (Muséu Termes Romanes), plaza Xovellanos, Les Cruces, Campu les Monxes (fábrica de tabacos, cases mariñanes, llavaderu), Soledá (capiella, industries con mano d’obra femenina Cuesta’l Cholo, puertu deportivu (antigua rula, pescaderes), plaza Marqués (San Esteban del Mar del Natahoyo/Revillagigedo, playa Pando), playa San Llorienzo (Antigua Pescadería Municipal, casa de Rosario Acuña, antiguos balnearios, fiesta comadres).

La visita “Xixón en femenín” va ser los domingos 10, 17, 24 y 31 de marzu a les 12:00. Puntu alcuentru Escalerona. Duración aprox 2 hores. Ye preciso inscribise n’nfogijón (Escalerona). Tel. 985 341 771 / Corréu lletrónicu: infogijon@gijon.info